سلام الله عليكم ياعتيبه والقلوب نظاف = لكن المعلبه نيران يادنيا من انتي له
ليا مني لقيت الشاعر اللي يحمي الميقاف = اهيظ ويطرب الوجدان يادنيا من انتي له

هلا يا مرحباا واسمع من الشاعر من العراف = يقول مرجح الميزان يا دنيا من انتي له
تهرج يا ولد وايل وعينك ترقب المشراف=ترى من حولك الضلعان يا دنياا من انتي له

عسى فيك البقا وانته ونعم وماعليك خلاف = لكن خصمك من الويلان يادنيا من انتي له
تقوله والجبال النايفه بين العرب تنشاف = ياقشر الزوم يالعتبان يادنيا من انتي له

غريب أوصاف يا شاعر بني وايل غريب أوصاف ..!!=تجيب الهرش للحيران يا دنيا من انتي له
كفيف العين لو إن الجبل قدمه يقول : خلاف= عسى الله يهدي العميان .. ! يا دنيا من انتي له

الا ياهرشنا دايم تبرك والحمول خفاف = مهمل في فضا الخليان يادنيا من انتي له
قليل الفهم مدري يالعتيبي عادتك خواف = اشوفك رغت ياحصنان يادنيا من انتي له

أثر فيهاا ثلاثه يالعوارف غير سبع عجاف ..!!=بكى الجاعان للجاعان يا دنيا من انتي له
علاك الله وأمانه لا تعدى راعي الانصاف=يبا يقنعك باللي كان يا دنيا من انتي له

تهب الريح من كل اتجاه ويكثر الارجاف = ويبقى البيت له عمدان يادنيا من انتي له
انا ابعطيك فرصه مار خل الميل والاجحاف = لو اني عارفك غلطان يادنيا من انتي له

يقولون ( العضياني زبن ) شاف الشعر ف / اسعاف=وأنا أقول الحرامي بان يا دنيا من انتي له
رحمك الله يا مطلق رحمك الله يا صياف=بعدكم يرقص الشيطان يا دنيا من انتي له ..؟ّ!