البارحه والناس في ساكنتها=ليلة دوام .. الحي فيها كما الميت
حسيت في هرجه والأذن سمعتها=بين الضلوع العوج مدري وفزيت
مواقف" لي والهجوس جلبتها=والفكر قزاني عن النوم مامسيت
جبت القلم والبوك مع طاولتها=وآمرت من عندي بتشغيلة الليت
ادون بيوتٍ هجوسي نقتها=مادامها فالبال شعله وكبريت
يأهل الدلال الصفر وش فايدتها !!=لاصار مركونه بركن" من البيت
الزمزميه ماتجي منزلتها=هاذي كبيره ياهل العز والصيت
تطربني الرسلان من ماركتها=أليا تعاقب دولها ثم تقهويت
دلة مكارم والقدوع ثمرتها=ماهي زمازم والمقادع بساكيت
إن كان موضه والأوادم مشتها=ماني على العالم كثير التشاميت
لكن طبختها وطعم مرقتها=سوات من يخلط على المر حلتيت
أهل المراجل ضيعت مرجلتها=واسلومها وفعولها عودت هيت
الناس في تال الزمن طينتها=وين الرجال الطيبين النعاتيت
اللي تروم الطايله واعتلتها=بالفعل ماهو قول يمكن وياليت
عزيت نفسي والمراجل حمتها =واخذت من صلبين الأريا وسميت
بأسلوم جداني وسمعة بختها=ابذل مواجيب الكرم ماتوانيت
ماأشقى ورى الرديان ومجاملتها=أليا اتضح لي معدن اللاش صديت
أهل الردى ماوجهتي في جهتها=إن جيت وألا رحت وإن رحت وإن جيت
وختامها مني قبل خاتمتها=احفظ سلومك كل ما أصبحت وامسيت

المشاركة الأصلية كتبت بواسطة ناصر الجلاه (المشاركة 887007) .. البارحه والناس في ساكنتها=ليلة دوام .. الحي فيها كما الميت حسيت في هرجه والأذن سمعتها=بين الضلوع العوج مدري وفزيت مواقف" لي والهجوس جلبتها=والفكر قزاني عن النوم مامسيت جبت القلم والبوك مع طاولتها=وآمرت من عندي بتشغيلة الليت ادون بيوتٍ هجوسي نقتها=مادامها فالبال شعله وكبريت يأهل الدلال الصفر وش فايدتها !!=لاصار مركونه بركن" من البيت الزمزميه ماتجي منزلتها=هاذي كبيره ياهل العز والصيت تطربني الرسلان من ماركتها=أليا تعاقب دولها ثم تقهويت دلة مكارم والقدوع ثمرتها=ماهي زمازم والمقادع بساكيت إن كان موضه والأوادم مشتها=ماني على العالم كثير التشاميت لكن طبختها وطعم مرقتها=سوات من يخلط على المر حلتيت أهل المراجل ضيعت مرجلتها=واسلومها وفعولها عودت هيت الناس في تال الزمن طينتها=وين الرجال الطيبين النعاتيت اللي تروم الطايله واعتلتها=بالفعل ماهو قول يمكن وياليت عزيت نفسي والمراجل حمتها =واخذت من صلبين الأريا وسميت بأسلوم جداني وسمعة بختها=ابذل مواجيب الكرم ماتوانيت ماأشقى ورى الرديان ومجاملتها=أليا اتضح لي معدن اللاش صديت أهل الردى ماوجهتي في جهتها=إن جيت وألا رحت وإن رحت وإن جيت وختامها مني قبل خاتمتها=احفظ سلومك كل ما أصبحت وامسيت

صح لسااانك وبيض اله وجهك





تقبل مروري