والله مغير اصخر القاف تصخير
 

والله مغير اصخر القاف تصخير.لعبدالمعين ابن ثعلي



[poet font="Simplified Arabic,4,sandybrown,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لضاق صدري قلت يا قاسمت الخير=سج القدم يمشي على غير داعـي
عديت بالعالي بعالـي النواضيـر=وافرح ليا شفته على الحزم اشاعي
وانا مغير مولع القلـب يـا بديـر=اشري وابيـع مشترايـه وباعـي
والله مغير اصخر القاف تصخيـر=تصخير مادوب العصا لين طاعـي
ومن دق به مثلي هجوس وحواشير=يضيق به لـو الطريـق اتساعـي
امقابلن خضر الودايـا المهاجيـر=على حفافن بيـن حـره وقاعـي
والله لو ان الغرس والقصر والبيـر=يمشي على مافي هوايـه وناعـي
لشد وانزل فـي مـرب الخواويـر=وامشي مع الحزم الفساح والوساعي
عن ديرتن فيها تـدب الجعاريـر=فيها الدجاج وماشبـه لـه يعاعـي
غربن من النفره شمال المخاضيـر=شرقن من الفيضه شمال الكراعـي
ياويل مرباعـن بهـاك النهابيـر=وياوي شرفانن بها القلـب ياعـي
اللي بها شمـر البيـوت الدواويـر=شمر البيـوت مثولثـات الرباعـي
بأطرافها كنهـا قصابـة بزازيـر=يفرح بها الطرقي ليضرم وجاعـي
واهل بيوتـن متيهييـن المعاشيـر=ألد روق أهل الطعـون الوساعـي
اللي ابهم شقـح البكـار المغاتيـر=ترعا بهم بالخوف من غير راعـي
اللي ابهم شقـر البنـي الغناديـر=شقر القرون لكـل قلبـن ولاعـي
اخـذت معهـم مطيـع ومشاويـر=فترة جهل يـوم الهلـع والدلاعـي
واقفيت عن هدفاي ركب المعاييـر=واخذت من تالي المحطه وداعـي
الا بحـب اللـي بنـاري مناحيـر=صفرن على جال المناره مقاعـي
يازيـن شبـت نارهـا للمساييـر=لجالهم عنـدي عليهـا اجتماعـي
اخذ بهـا زيـن الحيـاة التعابيـر=ولو انها ماغيـر عـب ومتاعـي
واسند عليهم في ليـال المعاسيـر=ويروح شبر في محطـة ذراعـي
ولا كل طيرن يتقلـد علـى طيـر=ولا كل من هام الشجاعه شجاعـي
ولا ينتقلـد بالحـرار العصافـيـر=ولاينتقلـد بالقـرمـب الافـاعـي
لو قلدوا قيس علـى غيـر تغييـر=ولايتقلـد بالطبيـعـي صنـاعـي
[/poet]
منقول

تحياتي...

صح لسان ابن ثعلي
وتسلم يمينك يا داهية عتيبة
يعطيك ا لعافيه

مشكور على مرورك يالدهاسي



تقبل تحياتي ..