الهيـــــــــــــلا *** منتدى قبيلة عتيبة

محاورة جميلة بين الشاعر نواف العازمي رحمه الله وسوار الذهب

نواف العازمي

غيّر الطاروق كلّه ويمكن تستفيد ***** العلوم الطيّبه عاش رجل جابها
لدّ عينك للسماء وأحذف المعنى بعيد ***** إن لقيناها قريّب تراك أسبابها

سوار الذهب

بارك الله في زبيده وهارون الرشيد ***** الله إنه يستر الناس تحت ثيابها
أنت ليش تولّع النار في خضر الجريد ***** والجمال اللي معرّك بعوج رقابها

نواف العازمي

بارك الله فيك شاعر وتعرف للقصيد ***** مير مدري حيّة الضلع ولا نابها
إن بغيت أشبّها يفعل الله مايريد ***** والعلوم اللي تضايقك سكّر بابها

سوار الذهب

بدو العربان وأنت معييّ لاتبيد ***** وأنت بين أضراسها وأنت بين أنيابها
والمشاكل كلها منك يالأطرش فريد ***** كيف ترضاها وبن عون مايرضى بها

نواف العازمي

أنت تعرفنا ليا زادت الشدّة نزيد ***** قبل نعطيك السوالف نحسب حسابها
يالله إنا طالبينك عن الرزق الزهيد ***** ربعنا المطران تنسى علوم أصحابها

سوار الذهب

أعرف أنك فرد جندي مسمّينك عميد ***** من حلق لحيتك بكره يقصّ أشنابها
مير من فادك عليّا لعلّه مايفيد ***** مادرى إن مطير قوم تسلّ حرابها

نواف العازمي

والله إني ما أحسب أنك ياعبدالله عنيد ***** مير حنا كل علّه نجيب أطبابها
إهرجوا يامطير والموت في حبل الوريد ***** الليالي بعضها شين مايسرى بها

سوار الذهب

أحد مخلوقـ(ن) شقي وأحد مخلوقـ(ن) سعيد ***** مير بقعى في طريقك تسج ركابها
حلّوا البدوان وأنت تـنّوه بالشديد ***** والسيوف حداد والخيل من ركّابها

نواف العازمي

كل ماجيناك سقناك بالحمل الشديد ***** وإن عفينا نعطي العافية طلّابها
منقووووول....