عطيتك الوجه كله يالبعيد القريب = وجازيت لجلك محبيني بصد وجفا
ان كان لك حساً إنساني وسلماً عريب = لا تعبس بوجهك الضاحك وتعطي القفا
ذكاي فطري وادقق واكتشف واستريب = وان شفت ماعفت قلبي من حديد وصفا
قبلك كم اللي خسرني واعتبرني ذهيب = وحاول يعيد العلاقه بين جهر وخفا
مايدري اني عنيد ووقع جرحي عطيب = اجرح مرض واترك المرضى بليا شفا
جوالي اثبات يحصي كم جريح وصويب = يرجون من غيمة الهجران قطرة وفا
واليوم في اعجب زمان اخذت درساً عجيب = شرحه خذا الوقت كله واختصاره كفا
من واقع التجربه كم يصبح الطيب عيب = في حق من يصفي ابليسه وهو ماصفا
والدرس الأخر يقول ان اكبر العيب طيب = فاللي جحيمي براداً له وثلجي دفا

واليوم في اعجب زمان اخذت درساً عجيب
شرحه خذا الوقت كلـه واختصـاره كفـا
من واقع التجربه كم يصبح الطيب عيـب
في حق من يصفي ابليسـه وهـو ماصفـا
والدرس الأخر يقول ان اكبر العيب طيـب
فاللي جحيمـي بـراداً لـه وثلجـي دفـا



الله الله

صح لسااان الشاعر العملاق / سفر الدغيلبي

على هذه الفذه الفاخره ..

ولاهنت ياعمر على الاختيار المميز ..

صح لسان سفر
ومشكور على النقل ..