سن الشّباب وعنفوانـه وطيشـه=يفتح مشاريـع الأمـل والنقاشـي
يشري سهم لإنماء ويجتاز بيشـه=ويرّث هموم تاليتهـا .. بلاشـي
ما يبلج الخاطر ويفـرق كديشـه=لامن غدا كـل يريـد المعاشـي
احد علـى مكتبـه بيـده كليشـه=واحد يفاضل بين بكـره وحاشـي
الا تنحّـر مـن هواهـا نعيشـه=تلقى القدم في جرّة القلب ماشـي
على بحر جـده وجـده فحيشـه=يا جعل يعهدها حقـوق المناشـي
تقول مرسومه على راس ريشـه=عصير .. والغيمه تزفّ الرشاشي
مع رجال مـا تحـبّ الخشيشـه=ما تذخر الفزعه نهـار الهواشـي
وعهدك بهمّك رابطه وسط خيشه=لو ان بعض الهم مالـه خياشـي
وسط البحر عيشه وللناس عيشـه=سبحـان رب كافـل بالمعاشـي
ما يزعجك لا صرت في كورنيشه=وانته تلاحي في محيط الفراشـي
الا حجازي في يده راس شيشـه=ولا وفود من ديـار النجاشـي !

ما يزعجك لا صرت في كورنيشه=وانته تلاحي في محيط الفراشـي
الا حجازي في يده راس شيشـه=ولا وفود من ديـار النجاشـي !

مع رجال مـا تحـبّ الخشيشـه***ما تذخر الفزعه نهار الهواشـي


صح لسانك يارايد مبدع بس هذا البيت فيه زياده او نقص مدري مصيب او مخطئ العلم عندك