السهـر والكبـت والليـل الطويـل=والـورق والحبـر والقـاف النـدى
كٌن حرفي فـي سجـن ظلـعً نحيـل=والطروق تحـن لـه ويـن ولـدي
لو مشيت بحكمت ( الصبر الجميـل )=ماربحت من جهـدي غيـر جهـدي
" ياغلايـه " والزعـل نـار وفتيـل=ابرقـي ياغيـم وصلـي وارعـدي
الصحـاري شفهـا شـق المسيـل=يـوم حـاد الركٌـب يحداهـا حـدي
السمـا دارت وانـا عينـي تخـيـل=من خصام " الجوزه " وحب " الجدي "
لو يشح الماي في سقوااا النخيـل !؟=مايفيـد الظـل فالـوقـت الـمـدي
ولو زرعت الشوق ياوقـت الحصيـل=وين قرسـك كـان شفـي وشهـدي !
اقربي وارخي هـدب طـرفً كحيـل=موتني واحيابـي ان جيـت اعـدي
لو اقول : الحمـل ياحبـي ثقيـل ؟=الحمـل : ماهـو لمنتـي او يــدي
الغـلا مقـروس فالقلـب العلـيـل=( ياعسى فالوقت يفداتس الـردي )
الليالـي حدهـا مـثـل الصقـيـل=احـزم طيوفـك وكاوفـه وحــدي
وانت تدري والحزن " عين الدليـل " =من صغر سنـي " ربا " مـع مولـدي
اااآه لوٌك شلت " ماصدري يشيـل " =كـان مـا لبيـت ليـلً سـرمـدي
شوف كفي يشعل بدرب " الرحيـل " =اعطنـي حريتـي وامسـك يــدي