راكب اللي وإن مشى يدوي زفيـره = وارد اليابـان قطـاع الخـرايـم
من طراز الشاص والضامن خبيره = عن صقيع البرد وحرور السمايـم
وردوه المملكـة شبـه الجزيـره = منوة اللي عن محل الهون شايـم
نصه الخفجي غلا عن كـل ديـره = واحدن للمرجلـه والطيـب رايـم
ياعمر لو صارت الدعوى كبيـره = مايحل المعضلـه غيـر الصتايـم
ياسفير الطيـب مـدري ياوزيـره = الوكاد انـك محـل الطيـب دايـم
صاحبك خلا الهوى روحه كسيـره = موق عينه عن لذيذ النـوم صايـم
سبة اللي مالكـن قلبـي واميـره = من فراقه صارت اضلوعي حطايـم
ماهوى قلبي من الخفـرات غيـره = ميـر دون الزيـن نقـال النمايـم
واحدن عندالقفى يشعـب بعيـره = كاشف الغـرات ملعـون الرسايـم
يا عريب الجد ما دونـك ذخيـره = وانت ذخري عقب ما شفت الهظايم
إن فقدت السيف لا تنقـل جفيـره = وأنت سيفي كان طشينـا العمايـم

مرحبا ترحيبة ٍ يمك مغيره = مرحبا بالذيب كسّاب الغنايم
جتني بيوتك و بالمبنا خطيره = جعل من خط البيوت يعيش دايم
يابن عمي مثلك يحل العسيره = ياولد من حط للضيف الولايم
ياشبيه العود مدري ياخشيره = بالفعايل و المواقيف العظايم
جيت تشكي من علاقات ٍ مريره = جيت قلبك في بحور الحب عايم
كان قلبك فالهوى خلك يديره = اتركه ما للهوى و الحب سايم
راعي الفتنه ترى يده قصيره = مايدس السم كان الزين هايم
ياحزامي راعي اليمنى الشطيره = محزمك عند الطلب حاظر وقايم
ان نخيته فالمواقيف الكبيره = طش لك ما يملكه قبل العمايم
ياولد من هو على العليا مسيره = مطلق ابن حمود نزّاح الزحايم
من ختاريش ٍ لها فعول ٍ شهيره = روس قوم ٍ ما يعرفون الهزايم
من بني منعر مطوعة العسيره = عزوة خزام الشجاعه و الكرايم

ياعمر لو صارت الدعوى كبيـره مايحل المعضلـه غيـر الصتايـم ياسفير الطيـب مـدري ياوزيـره الوكاد انـك محـل الطيـب دايـم

ياحزامي راعي اليمنى الشطيره محزمك عند الطلب حاظر وقايم ان نخيته فالمواقيـف الكبيـره طش لك ما يملكه قبل العمايـم

المشاركة الأصلية كتبت بواسطة ناصر حامد الثبيتي (المشاركة 878607) صح لسانك وصح لسان محمد بن مطلق مدد بلا عدد قصيد تشرفت بقراءته ومبدعين يالاد منعر والجزل ماهو غريب على اهل الطيب

المشاركة الأصلية كتبت بواسطة محمد العتيبي (المشاركة 878651) الله الله الله روعه وابداااع وجزاله صح لسااان ابن مطلق .. وصح لسانك ياعمر .. ولاهنتوا يالآد منعر دائما والجزالة من نصيبكم ..

المشاركة الأصلية كتبت بواسطة ابن صنهوت (المشاركة 878671) عمر صح السانك ولسان محمد

المشاركة الأصلية كتبت بواسطة مرزوق حمدان العتيبي (المشاركة 878710) ... . نصه الخفجي غلا عن كـل ديـره واحدن للمرجلـه والطيـب رايـم ياعمر لو صارت الدعوى كبيـره مايحل المعضلـه غيـر الصتايـم ياسفير الطيـب مـدري ياوزيـره الوكاد انـك محـل الطيـب دايـم .. كفو والله يابو الحميدي ... صح لسان ابو زايد ابدع ... وعنز على جبل ... ... . ياحزامي راعي اليمنى الشطيره محزمك عند الطلب حاظر وقايم ان نخيته فالمواقيـف الكبيـره طش لك ما يملكه قبل العمايـم ياولد من هو على العليا مسيره مطلق ابن حمود نزّاح الزحايم من ختاريش ٍ لها فعول ٍ شهيره روس قوم ٍ ما يعرفون الهزايم والله ونعم في من ذكرتهم ... ابدعت ياعمر وردك وافي .. ..صح لساتكــ