يابو شهد قلبي من الحب منصاب=الحب بلوى وابتلابه عطالله
اليوم مالي عنه يالقرم مجناب= وانا منول معرض عنه كله
قد تبت عنه وعدتله مثل منتاب=قبلي وعود له وشكواي لله
اثر الهوى لاحل فالقلب ماطاب=قلبي الهواوي دايم فيه عله
يلعب به الهاجوس مع كل الابواب=وعينه تراعي للنجوم المطله
ماله جدى الا عضة الناب بالناب=ويصفق بكف كف ويزيد غله
وانا من اسبابه تعرضت الاسباب=ومن شافني قال انت جا فيك خله
وانا بلاي اللي عليه الحشا ذاب=اللي نهب قلبي معه واستحله
عني بعيد الدار وبعيد الانساب=لكن على ماقالوا المعطي الله
قدمه مريح ومستريح من الانشاب=مالي مع اهل الحب دقه وجله
واليوم كني واطي فوق مشهاب=ماباقب الا الدمع عيني تهله