سلطان بن دحيم

مستور وحبيب يا ابو لمار والدنيا تدور = ويا عزتي للي حزامه ما يشد ابه الظهر
كم مرة(ن) جتك العزيمه واهل الطاله حضور = وانته ولا مره ولا ادري بخل والا من فقر

ابو لمار

يابن دحيم لاتجيب السالفه من غير شور = ان كان لك وجهة نظر صاحبك له وجهة نظر !!
ارزاق والله يرزق الحيتان في جوف البحور = واحذر من الايام لاترميك في قاع البحر !!

سلطان بن دحيم

انته سواة اللي سراء الليل الغدر من دون نور = لكن هاذي سجلة يا صاحبي واحد صفر
يا ذيب ياللي صرت لقمه فوق نيبان النمور = كانك تهاب من الخطر فأنا ما هاب من الخطر

ابو لمار

انته ياراع السالفه مانته من العلم امعذور = طالب ماتعرف في النحو غير الضمير المستتر !!
الناس راحت بالعشا وانته تقرقع في القدور = احرص على نفسك ياراعي الجيّده واخذ الحذر !!

سلطان بن دحيم

شي(ن) طبيعي يا ولد سفيان لو دمك يفور = لكن غمض وابلع الجمره لعلك تعتبر
يا ابو لمار الجيده فالورد والا فالصدور = سلطان في مجلس رجال العرف مجالسه صدر

ابو لمار

ازعل من اللي مايعرفون البطون امن الظهور = وانته تحسب ان الشعر ياصاحبي مثل الشعر (الشوشه) !!
الجيّده ياصاحبي سلطان لطوال الشبور = صغّر علومك لاتكبّرها تصيبك بالكبر !!

سلطان بن دحيم

ازعل على نفسك وترضيك الليالي والشهور=والله غريبه يالمفتح ينقـدك واحـد عـور
انا ادري ان اقوى لغم وسط الخرابه لو يثور=تبقى كما كانت قبل فيهـا اللغـم لا ينفجـر !!

ابو لمار

خلّيتنـي يابـن دحيـم لاحليـم ولا صبـور=تبغى تتاجر مير ياسلطان ذابحك الطفـر !!
اهم شي عندك تجيب احروف وتعبّي السطور=بكره يسمونك رجال المعرفه علـة نحـر !!

سلطان بن دحيم

تبى تمشيها لكن انته ومـا قلـت مخبـور=وانته سواة اللي يكب الشوف ويقص الجرر
اهم شي اني بخشم السيف فجيت النحـور=وانته ما جالك مع رجال المعرفه علم وخبر!!

ابو لمار

ماودي آحدّك على صعب السوالف والامـور= انته صديق ولا ابسويلك مطبـات وحفـر !!
لو كان لك جنحان ياطير السعد مثل الطيـور=يمكن تطير وتبني المرقاب في سطح القمر !!