لاوالله ألا قفت الريح بالطير=نسل الحرار معربين العموقي
ماله شبيهٍ فالحرار الكواسير=قرناس ماطب الشبك والسبوقي
راح وتركني بين نفاخة الكير=يالله دخيلك من ردات الوفوقي
مانيب من تدرج عليه القناطير=ولانيب من بدّل بصقره سلوقي
يابو بدر لعل دربك تياسير=يابوبدر لعل دربك وفوقي
أنشهد إنك راسيآ كنك النير=وكل المراجل عانقنك عنوقي
يلجالك اللي تحتديه المقادير=ويلجالك اللي من عناه مخنوقي
وانا أشهد إنك من رجالٍ مناعير=أهل المواقف محتمين الحقوقي
هداج تيما ماتحسب المخاسير=قلبك على الناموس يخفق خفوقي
العسكريه عقبكم مابها خير=ولاعاد لي فيها بعد رحت ذوقي
إمناي سج الرجل وسط المخاضير=حرٍ طليق ولا نطوق بطوقي
أشوى عليه من مقابل معيثير=ومقابل الثاني وسيع الشدوقي
تجمعوا عقب الشتت فالمنابير=وتطلقت عنهم حبال الربوقي
دنيآ مكاسبها تعود مخاسير=ويظفر بها الخايب ويلحق لحوقي
والا الرجال مصخرين الطوابير=درقهم الوقت الخبيث الدروقي
وصلاة ربي عد زهر النواوير=وعداد مايرعد ويبرق بروقي
على نبين حذر الخلق تحذير=بأمر الإله أنذر جميع مخلوقي