سلام الله على دارً مرابعها لها عامين=تجنبها العواسيس ولا يذكر سيلها الراوي
يقولون العرب فيها حياه وناسً مقيمين=وأنا أحسب ما قطن فيها من البدوان لو شاوي

هلا يا مرحبا وانته وانا في حلة الوافين = لكنّ علمك ضعيف ولاهو بمسنود عن راوي
يقولون العرب ياصاحبي كذاب ابو قلبين = ياليت انك تشوف الظلع وتعرف ذيبه العاوي

المشاركة الأصلية كتبت بواسطة عقاب العنزي (المشاركة 871743) هلا يا مرحبا وانته وانا في حلة الوافين = لكنّ علمك ضعيف ولاهو بمسنود عن راوي يقولون العرب ياصاحبي كذاب ابو قلبين = ياليت انك تشوف الظلع وتعرف ذيبه العاوي

تحدك فزعة الويلان دون أللي وسط ضلعين=وأنا ما أشك في عتيبه ولاني يمهم غاوي
ألا يا عقاب لو تسري ويتعب خفها والقين=زعلت ولا وصل جيشك ولا عديت متساوي

بلشنا فيك وهروجك تغيّر بين حين وحين = تجيني مرة ٍ سارح تجيني مرة ٍ ضاوي
تهرّج واعرف ان السور ثابت في بلاد الصين = ماهمته الهبوب اللي سطت في عرشك الخاوي

المشاركة الأصلية كتبت بواسطة عقاب العنزي (المشاركة 871750) الاتصال مره تعبان المعذره بلشنا فيك وهروجك تغيّر بين حين وحين = تجيني مرة ٍ سارح تجيني مرة ٍ ضاوي تهرّج واعرف ان السور ثابت في بلاد الصين = ماهمته الهبوب اللي سطت في عرشك الخاوي

تومي في مفاتيحك ولا أنته فاتح القفلين=مدام أنك موصى للخزينه خلك القاوي
لقيت الحيه السودا وعيني ترقب الدابين=وألا يا كثر ما أقتلهن ولاني عنهن أنحاوي

انا لامن وجدت الباب بعرف عن دخولي منين = ولكن ماوجدت الباب وسقف البيت متهاوي
لقيت اللي لقيته مير حظـك ياعميلي شين = سقاك السم من نابه ومت ولا لك مداوي