حناش قلبي من عناء البعد محروق= معاد له في باقي الايام طوقه
تشربكت دنياه من عوق في عوق =تجبعت من قاع طايل سبوقه
قامت تقلبه على كل طاروق= وعيا الدهر ياخوك يوفي حقوقه
كني سجينن يرتجي واحد فوق= صكو عليه وزاد جوفه حروقه
وهو عليه الحكم صادر وموثوق =قام يتحرا والليلي لحوقه
عيو هل المقتول عيو عن السوق= وان فتحت البيبان نشة عروقه
كم شيل جنبه تالي الليل مدروق =ماخوذ للتنفيذ عسكر تسوقه
والا كسير رايح الساق دقدوق =ماله امل في حطة الجبس فوقه
والنوم عن عينه الي اطراه مسروق= ورجله عن الممشى خطيرن تعوقه
عزي لقلبي محتسب لذة الشوق =والبعد حائل بين قلبي وشوقه
شوقي وريف القلب في شوف مخلوق =ورع بدويين شق قلبي بموقه
ورع بدويين في ا لخلاء يتبع النوق =يم الرماحيه يخايل بروقه
ماحطت المكياج واستلمة السوق =شوقي لشوفات الخرايم شفوقه
تصالي الشموس وكنها لون غرنوق =ولازين يذكر غير هيه تفوقه
ورع بدويين جب في القلب معلوق =وألحق على باقي الضمائر ألحوقه
سكر على قلبي وفكر بصندوق =ولاعاد لي في باقي الازوال توقه
ماعاد قلبي يرجهن منه ماذوق= لين اتوجهله معقب خنوقه
ورع بدويين كامل الفن والذوق= ومن الخلاء مكتال فنه وذوقه
يتلي نياقن وسمها من بني روق= وسم العطاوي فوقهن تشوقه
تكفون ياربعي من الحال ملحوق =كثرة على قلب الثبيتي فدوق
كثرة فدوقه من عناء البعد مطفوق= يالله تلمه يالولي بمعشوقه

صح لساااانك يالعريدي صح لساانك

قصيده رائعه ومؤثره جدا ..


تحيتي واعجابي
...