الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعراء قبيلة عتيبة (http://www.otaibah.net/m/forumdisplay.php?f=46)
-   -   نايف بن جريان العضياني&مزيد سالم الدلبحي (http://www.otaibah.net/m/showthread.php?t=92461)

سلطان نايف العضياني 15-Jun-2009 09:53 AM

نايف بن جريان العضياني&مزيد سالم الدلبحي
 
هذه مجاراه بين الوالد نايف جريان العضياني والشاعر/سالم مزيد الدلبحي أرجو أن تنال رضاكم...

نايف جريان


تكفا يابو مزيد تجيب العلومي=من ربعة المجمول هات إلنا الاخبار
زادت همومي بين ليله ويومي=والقلب من كثر التفاكير محتار
واقلبي اللي بين الاضلاع يومي=يكفخ كما حرآ على وكر صقار
وعيني تزايد سهرها ماتنومي=وكن الحشا يصلا على واهج النار
سبت غزال(ن)منه صرت محرومي=من دونها حالوا عديمين الاشوار
حلو النبا زاهي حسين الهدومي=ترف القدم له بين الاضلاع مقدار
ياعين حرأ طالعآ عقب حومي=منه أبرق الجنحان خولب ولا طار
والعنق عنق اللي ترب الحزومي=قايد خشوف الريم في جو(ن) أقفار
والخد بدر أربع وعشر ويومي=عند إكتماله طلعته تزها الانظار
أنشهد إني منه كثرت همومي=وكثرت هواجيسي وعمسن الافكار
أسباب يامشكاي زاه الرقومي=اللي لها في داخل القلب تذكار
إفزع لنا يالقرم جعلك تدومي=يامزبن اللي حده الوقت وحتار





رد سالم مزيد الدلبحي



جاني كلامٍ من قوي العزومي=يشكي علي الوقت والوقت غدار
إن كان واطيك الدهر ومهضومي=إصبر وعند الله تفاليك الاقدار
حلفت بالله في لزومك لقومي=وابذل لك المجهود لوصار ماصار
ماابخل على مثلك بطيب السلومي=كمن ألك حشمه وقيمه ومقدار
إن كان تشكي حب حان الرقومي=أبو قرونن فوق الامتان نشار
صاحبك يانايف ماهوب معدومي=فالمملكه موجود كان أنت دوار
أرسلت من يقطع رقاق الحزومي=جمسآ عليه اللي يجيبون الاخبار
وساعة لفوني بالخبر والعلومي=قالوا حبيبه مخلص(ن) له ولابار
تصير للغالي جحود(ن)ضلومي=تراه دونك ماتسمع للاشوار
تراه مايسمع كلام الرخومي=ولاشيّن النيه ولاهوب بوار
وصلاة ربي عد وبل الغيومي=وعداد مايطلع من العود الاثمار
على محمد كل ليله ويومي=شفيعنا يوم القيامه من النار

البريماني 15-Jun-2009 01:55 PM

صح الله السان الشاعرين


قصيدين جزله هذي عوايدكم يالاد روق



تسلم يالذيب

ابن صنهوت 15-Jun-2009 07:36 PM

سلطان لاهنت وصحت السنت الشاعرين واطال الله عمر والدك

محمد العتيبي 16-Jun-2009 07:37 AM

الله اكبر

جو رائع جدا احتوته هاتين القصيدنين ..

صح لساان نايف جريان وسالم الدلبحي ..

وبيض الله وجهك ياسلطان

سلطان نايف العضياني 16-Jun-2009 02:51 PM

الوفا طبعي

أبن صنهوت

محمد العتيبي


حياكم الله


الساعة الآن »01:45 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd