سودن مقاديمها تزمي سوات الهضاب=طفيح ربانها بشرى هماليلها
تنثر مع الهجعه الماء لين منه الرغاب=رغاب عثعث وطاها ينحدر سيلها
تسقي وطن علتي وادواي زاه الخضاب=اللي حياتي بعد فرقاه ياويلها
ياظالمه فرقي بين الخطا والصواب=سفك الدما فالشهور الحرم منتيلها
الناس في عشر الاضحى يطلبون الثواب =وانتي مع العشر سياتك رجح كيلها
لاتلبسين النقاب تكملين العذاب=اللي بقى في حياتن منك عزيلها
ياليتني شامتن بين النهد واللباب=في لبتن كوكب الذري يحا ليلها
بين النواعس وبين امداويات الصواب=اللي مع الحلم تدنيلي وانا ادنيلها
انا احسبني منول فالمواقف مهاب=واثر النواعس تحلحل حيل حلحيلها