الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى المسابقات الشعرية (http://www.otaibah.net/m/forumdisplay.php?f=90)
-   -   محاورة الشاعر : محمد غازي والشاعر : فارس الهاجري - كتابة (http://www.otaibah.net/m/showthread.php?t=92402)

طارق النفيعي 14-Jun-2009 02:31 AM
محاورة الشاعر : محمد غازي والشاعر : فارس الهاجري - كتابة
 
[color="blue"]
بسم الله الرحمن الرحيم

نقدم لكم تغطية محاورة الشاعر : محمد غازي النفيعي العتيبي

مع الشاعر : فارس الهاجري في برنامج قلطة الوطن

بدولة الكويت الشقيقة ضمن المرحلة الثانية مرحلة الـ 4

الطاروق الأول :


فارس الهاجري
يامرحبا باسم شيخ ِ يفعل الطيب =الطيب والجود له سلم وطبيعه
العلم ماعاد به شكٍ ولاريب=بكره لاذاعات ياعتيبة تذيعه
محمد غازي النفيعي
دام البقا يا مقدم بالتراحيب=في حلال قومٍ مواقفهم فضيعه
بنشوف من يبتدي روس المراقيب=راع المناوي تصنعها صنيعه
فارس الهاجري
بغيت عنا تروح بعيد وتغيب=ياكبر حظك وخطواتك سريعه
لا بالله انته عى المرقاب ياذيب=مرقاب مبغاه صيفه مع ربيعه
محمد غازي النفيعي
ان قاله الله لحدربك مع شعيب=حظي كبيرٍ ولي وقفه مريعه
ذيبٍ ولا احب اغثرب في المشاريب=واللي يغثرب نقول اله قطيعه
فارس الهاجري
لو تسمعه يا رجل يا سعيد يا شهيب=استغفر الله تضيق ابك الوسيعه
تقبضو يا عتيبه فى المقاضيب=راحت عليكم ولا فيها خديعه
محمد غازي النفيعي
ياشعيل شوفه يزم احيان ويصيب=الوقت لن كان ما طاعك تطيعه

الطاروق الثاني:

محمد غازي النفيعي
سلام تسليمة وفا تستمد العرف والجود=من شاعرٍ فى السوق ما يشتري ياكود غالي
كبد سما خيل خياله معاه بروق ورعود=والحمد لله خيلت وامطرت والسيل سالي
فارس الهاجري
يامرحبا ترحيبتن وافيه ماتقبل الزود=الله يديم الطيب والعرف مابين الرجالي
يلي تخيل البرق علم سعد لا يدري سعود=الناس باعت واشترت مبطيه والسوق غالي
محمد غازي النفيعي
دام البقا يلي ترحب بنا مافيه منقود=لكن ذوق الكيف ذوقه من حلوق ادلالي
انا اعرف انك بنك يا صاحبي والبنك مرصود=اخذ الخرايط مسك دام انت حماي التوالي
فارس الهاجري
كب السوالف عنك والدرب يا رجال مجرود=انا ادري ان العلم يا صاحبي مرٍ وحالي
رصيدنا في المرجله فى الليال البيض والسود=وانا احمد الله يا رجل واثقن من راس مالي
محمد غازي النفيعي
الدرب اشوفه متسع وانت لك غايه ومقصود=بكره تشوف العلم واضح يابوزيد الهلالي


محمد العتيبي 14-Jun-2009 04:17 AM
صح لساانهم

عز الله ابدعوا أيما ابداع ..

وشاعرنا محمد عز الله ماقصر واعطى للبرنامج

جو رائع وحماسي امتلأ من جزيل المعاني وقوة الردود ..

فبيَض الله وجهه ..

وبيّض الله وجهك ياطارق على النقل الرائع
..

سلطان بن دحيم 19-Jun-2009 07:03 AM
صحة السنتهم


والمجرم النخيش زرع له لغم على درب الهاجري


والهاجري ما شاف اللغم وثار فيه اللغم واكله !!!


يلزم النخيش كفاره هههههههه

لاهنت على النقل


والله يوفق شاعرنا

طارق النفيعي 19-Jun-2009 03:56 PM
مشكورين على تواصلكم ولاهنتم جميع ..


الساعة الآن »08:17 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd