ياصباح الخير والا يامساء النوروالبلور=كلهن لعيونك الثنتين وانت اللي عليك اختار
يا غلاي اللي عليه من الوصايف من وصوف الحور=خاف ربك لا تزيد لصاحبك فالنار نار
لا تكون اله السبب مثل الدجيما بموته المشهور=قصةٍ عبر الزمن ما تمحي باقي عليها اذكار
لا تطيع اهل الوشاه ولا تصدق ناقلين الزور=والحقيقه الحسد عند البشر والحاسدين كثار
من سببهم اصبحت حتى الصحاري بور=الله اكبرفي وطنا واحرمونا شوفة الازهار
انت لك عينٍ ترى والدم فيك يفور=ياغناتي عند تحديد المصير اجزم ولا تحتار
لا يهمك واحدٍ يمشي بليا شعور=كلها ايامٍ قلايل وانت تسمع كيف انهار
الصحيح ان المحبه سحر ..منها صاحبك مسحور=والهوى دنيا غريبه كلبوها اسرار
ياتروح وما لك الا اقول لك معذور=يا تجي وبجيتك ما عاد نقبل منك اعذار
اشعل شموع المحبه وانزع الممنوع و المحظور=خلها بيني وبينك دون حجاب و دون ستار