سلام و الشعر نعرف قيمته من خلال=الفتل و النقض و القيفان و ألحانها
بين الصلاتين هات العلم يا بو طلال=الهرجه الطيبه نتعب على شانها

يامرحبا ياهلا والجزل جاله مجال = حنا نعز البيوت ونعرف اوزانها!!
نقشت شعر النصافي في علو الجبال = والناس مدري وش اللي معمي اعيانها!!

البنّ و الهيل صبّه من حلوق الدلال=لين الرجال الحشام يصافح أيمانها
عن جمّة البير ما تقصر طوال الحبال=و الناس تجذب طويل الحبل ذرعانها

هاذ السنه يابن ثعلي صار فيه انحلال=الناس سيّاتها تغلب على احسانها!!
قيد القعود الرشا والدلو في كل جال = والناس عافت قراح الما من جنانها!!

ما صار غير الوفا و الطيب في كل حال=يا ليت بعض الجماعه تحفظ لسانها
مليت بطنك من الجمّ القراح الزلال=و اليوم نارك يغطّ الجوّ دخّانها