يالاصعر يا ليتك تركد ,,, و تترك الازعاج=تكدّر منام الناس دايم و تزعجها
و نفسك توقّفها على ماقف الاحراج=أظنّك من اللي عن يمينك تلامجها !!!

انا منهجي طيب وخلك على المنهاج=وانا مزعج الا من تغير مناهجها
ما يحرجني اللي كل ليل احمسه فالصاج=لكن ياعلي خلك بهونك ودرجها

لا و الله يالاصعر منهجك فالزمن منعاج=معاريفنا صارت خساره نتايجها
عليّ الحرام إنّي لا أشرّف عليك سراج ,,,=بناخيه ,,, منه الناس ربّي يخارجها

مانحسب حساب لهرجة الصاحب الهراج=وناس تزل الدرب والله لحبجها
وانا فيك ابا اعلم شجاع ومعه فلاج=بني عمك اللي تعرف القوم منهجها

هروجك يالاصعر ردّها داخل الادراج= بعد طحت لك في ناس دايم تدبّجها !!!
أنا فوق متني بالوفا نجمتين و تاج=و الاصعر حياته في زمانه مسمّجها

انا اورد الهرجه وانا ارد على هداج=وبعض الرجال اشوم عنها ماهرجها
تراك انت شاوي مانته ابيوسف الحجاج=نجومك وتاجك ياعلي وين ناتجها