توي عرفت انه اناني ومسكين = غريبه اني ماعرفته من اوّل
شفته كذا مره ولاحظت ثنتين= القول واجد والسوالف اتهوّل
ياليت بوجيه الاوادم عناوين =من شان عرفك للردي ما يطوّل
اما تعرف انه من الناس الاقصين= اللي عليهم بالمراجل اتعوّل
والا تعرف انه من الصنف الادنين = يومين يصلح لك وعقب ايتحوّل
لا احتجت له في شي يطلع بوجهين= والحاجته لاجاك كنه ايتسوّل
ياخذ ولا يعطي ولا يوفي الدين = ماغير باعراض العباد ايتجوّل
مثل البعير اللي يربي سنامين = يكنز على ظهر الردى لين توّل
هو يحسب ان الناس ماهم بدارين= والعالمين الناس قولٍ امقوّل