سلام من الثبيتي للرجال اهل الوفا والكار= يقدم في طباق من الذهب والطيب مضمونه
يابو لمار انا مااعرفك مير تجيني الاخبار= وذكر الطيبين يبين فالامثال يقلونه

هلا يامرحبا ترحيبة" ماترخص الاسعار = على سبل الوفا ياراعي الطاروق ولحونه !!
تدوّر للوفا واهل الوفا ياكثرهم في الدار = لياقربت مكيالك هل المكيال يوفونه !!

يدوم الك البقا ياللي تقدرنا ولك مقدار= هذا سلم الرجال اللي على الوافي يسوقونه
ابو لمار جاه المشلح اللي يلفت الانظار= وانا مبسوط والحاسد عسى الله يعمي عيونه

تقوله يالثبيتي وانت لاخاين ولا غدّار = لكنك لاتسمّع في الكلام اللي يجيبونه !!
ترى ياصاحبي ماودنا نكشف لك الاسرار = لكنها خلها ياصاحبي في الارض مدفونه !!