سلام الله على روس الرجال اللي تسد النوب= رجالن فالمواقف ماتضيعها هقاويها
بنينا البيت يامعجب ولا ندري عن المكتوب=عسى ربي ليا مالت يعدلها ويسويها

هلا يامرحبا ترحيبةٍ تمشي على المسحوب=نرحب بالرجال اللي تنومسنا طواريها
مدام انك مع اهل العرف جيت ولابسٍ لك ثوب=يبا يزهاك ثوبك والسوالف من معانيها

يدوم لك البقا يصاحبي جعلك خفيف اذنوب=وتخشع فالصلاه اللي على كيفك تصليها
ادور للعلوم الطيبه مع صاحبي ياعقوب=حث الها القدم في طرقتي والرجل مثنيها

عباده والعبده نجتهد فيها على المطلوب=ونطلب ربنا الخلاّق سبحانه ونديها
طريق الحق ياراع العلوم الطيبه مرغبوب=ورجلٍ مامشت فالطيب بالميسم نكوّيها

المشاركة الأصلية كتبت بواسطة معجب العتيبي (المشاركة 865385) عباده والعبده نجتهد فيها على المطلوب=ونطلب ربنا الخلاّق سبحانه ونديها طريق الحق ياراع العلوم الطيبه مرغبوب=ورجلٍ مامشت فالطيب بالميسم نكوّيها

لقيت من العرب واجد وفيهم واحدٍ منكوب=بعد شفته يخمخمها يخمخمها ويخطيها
صحيح انك تقول الحق لاغالب ولا مغلوب=عسى حضك يجيبك عندها والا حراويها

ليامنك لقيته فالعرب ياصاحبي محسوب=تحيزمبه فليله من ليال الصيف تسريها
ولامنك لقيته مثل ماقدمت نوب ونوب=ذنوبه ياوسيع العرف تكسب يوم تخفيها