سلام في منتدى العتبان والله كريم=سلام ياهل الكرم في منتدى اهل الكرم
وين الثبيتي سعد شداد والا مقيم=عسى سعد كل عام يحج بيت الحرم

الله يمسيك بالخير يابو راكان= واستلم
يامرحبا رحب وافي نابع من الصميم= في حلة عتيبه اللي يرفعون العلم
موجود فالمنتدى وامشي بعظم سليم= لكن ياصاحبي فالدرب سوق القدم

لاتنقر الزير لين هذيل تزهم سليم=ياهل الشرايع وياهل السيل وام السّلّم
على الطريق المودي ميركنك غشيم=تخطي وتقدي ويمكن خمك العلم خم

احسب حسابك وخلك يالمغني فهيم= قدام سيف الثبيتي لايقص العظم
ماودي اكشف عن اسرار الزمان القديم= بعض العرب ياجماعه جابها من عدم

يامقيم خط المدينه غير خط القصيم=والله غريبه شباب ولالبّسّلّك معّم
بين الجوازات والشرطه تعاون عظيم=واثباتك اللي معك ختمين والا ختم

الظاهر ان النظر عندك ماهو مستقيم= تقول رقمين والصافي مشلى رقم
سوالفك ماتمشيها على اللي حكيم= ياراعي البوصله خربان فيها السهم