يا سلامي على الشعار من كل صوب=ردة(ن) وافيه لاهل الوفا والجميل
وين ابلقى مع الشعار شاعر لعوب=يستمع لي وانا اسمع له وليله طويل

المشاركة الأصلية كتبت بواسطة خليفة الشيخ (المشاركة 862984) يا سلامي على الشعار من كل صوب=ردة(ن) وافيه لاهل الوفا والجميل وين ابلقى مع الشعار شاعر لعوب=يستمع لي وانا اسمع له وليله طويل

مرحبا يا خليفه عد لفح الهبوب=ردةٍ واجبه في ردها للعميل
مير وان كان في جيتك منت مغصوب=هات علمٍ جزيل ودوك ردٍ جزيل

المشاركة الأصلية كتبت بواسطة المعتصم بالله (المشاركة 862997) مرحبا يا خليفه عد لفح الهبوب=رردةٍ واجبه في ردها للعميل مير وان كان في جيتك منت مغصوب=هات رعلمٍ جزيل ودوك ردٍ جزيل

البقا دام لك تاجب علينا وجوب=عد رعاد يسمع عد برق(ن) يخيل
الرجال الكريمه في شمال وجنوب=ما حد(ن) حدنا والسوق يلقى بديل

يا خليفه مع الشعار منت محسوب=لا تقول الدليل وخطك اكبر دليل
يا زمان العجايب وش بقى من ذنوب=كيف شيخت ابو زهرة وذيبك ذليل

فاخر الوقت صارالشعر كله عيوب=من عيوبه غشامه جيل من بعد جيل
ليتك من الكباير يا مجاهر تتوب=والمشيخه تخليها لاهلها تحيل