يامرحبا باهل الوفا واهل النقا والاحترام=والاحترام من الصفات بكل نفس مهذبه
الحر لامنه كفخ تنزل شواريد الحمام=وليا بغا الصيده يحقق ياعميلي مطلبه

وش فيك يا احمد غايب ولاجيت خربت النظام=شاعر مع الشعار يلعب كيف يا احمد تطلبه؟
حاول تركز ياعميل الخير جعلك للرحام=قلبك من حروف القصيد العذب وشبك متعبه

المعذره منك أنت يامعجب وأباانهيها قوام=مدامت أنك منشغل القاف لازم نشطبه
شيبت يا معجب تراني ماني بصاحب غرام=قلبي ماعاد ايدور الحلوين ليش اتانبه

لا بالله الا سرها ياصاحبي مابه منام=هذا عتب مشرف لزوم انه هنيا يكتبه
قلبك خضر ياصاحبي وتدور في دنيا الزحام=ياليت قلبك قبل تبدا فاللزوم ترتبه

الله يسلمك ويغليك

ياطيب قلبك ياوسيع العرف يالذرب الهمام=للحق والمعروف دايم في طريقك منتبه
الله يقبل منك دعوتك ويجنبك الحرام=انا طلبت الله عزيز الشان وانته تطلبه