الطاروق الاول
متعب زهيان الشلاحي
يامرحبا عنوانها معمور يا حفل الوطن = واقولها والشيخ ابن علي الخليفه قالها
ترحيبتٍ يا طيبها تجل الهموم ابلا ثمن = والخير كله تحمله بقفايها وقبالها
سعيد الشهيب العتيبي
دام البقا يلي ترحب دوب ما زان اللحن = والله يبارك في الرجال اللي نشوف افعالها
انته قبل ثقل الوزن ولا بعد ثقل الوزن = ولا الليالي يالمطيري ما صفا لك حالها
متعب زهيان الشلاحي
قالو ثبيتي ثم تذكرت الليال اللي مضن = يوم الشريفه عامرات ايامها وليالها
قبل الوزن بعد الوزن جايز تغني من غبن = الله يبقي عمها والله يرحم خالها
سعيد الشهيب العتيبي
انا ثبيتي وانت قلي وش تصير وش تكن = اثبيت فى الحاضر وفى الماضي طوال احبالها
دام الشريحه يالمطيري بالدراهم تنشحن = شغل شريحتك القديمه وانتبه لارسالها
متعب زهيان الشلاحي
حامينها سيفين والاول توارا واندفن = والسيف الاخر يا سعيد الذكريات اشتالها
قبة بحر تسعين لا تغرقك يا الشاطر حسن = النار من شبابها والخيل من خيالها
سعيد الشهيب العتيبي
دام المطيه واقفه ويديه اتشد الرسن = منته براع القافله ولا انته بجمالها
الرجل لامنه عرف نفسه تعقل وافتهن = اغلا ماعندك يالمطيري غترتك وعقالها
متعب زهيان الشلاحي
خل السوالف خلها عند الشدايد والمحن = ياعزتي لصحابنا العتبان يا عزالها
الدرب قدمك مربحك لا تحسب أنه منضمن = العوشزه ما ضللت من يستضل اضلالها
سعيد الشهيب العتيبي
بنت الهوى تبغا ولد ولا انت يا الشايب تون = بعض العرب لو تستريح احسن لها واشوالها
الطاروق الثاني والبدايه عند
سعيد الشهيب العتيبي
سلام يا الشيخ الكريم ابن الكريم ابن الكرام = ال صباح اهل البيوت اللي يضلل ضلها
يالله في حسن العمل يالله في حسن الختام = اثر الليالي تسرق الرجال ما يفطن لها
متعب زهيان الشلاحي
يامرحبا باسم الرجال اهل الوفا واهل المقام = ال صباح اهل الوفا والواجبه في حلها
الاوله يا طيبها والثانيه ماهي حرام = لا صارت ثبيت الدروب البينات ادلها
سعيد الشهيب العتيبي
جتك الرساله مير اثر قلبك قبل عينك ينام = افطن لها ولا عساك اتروح ما تفطن لها
ياشايب اللي وصل عمرك من على سبعين عام = اللي ما وصل اليوم بكره مايبا يا صل لها
متعب زهيان الشلاحي
جات الرساله غامضه وانا ما فسر فالاحلام =وليا سرينا نفتهم في دقها في جلها
السالفه في مرحبا ولا السوالف بالسلام = يا قلها ياكثرها ياكثرها يا قلها
سعيد الشهيب العتيبي
المعرفه رمز وهدف ماهي سواليف وكلام = الا حمولتك الثقيله ما قدرت تشلها
يا شيخنا في عقل متعب صار بعض الانفصام = اعلوم ما يطلع لها واعلوم ما ينزلها
متعب زهيان الشلاحي
المعرفه نور وهدف واللعب معنى واحترام = والله يعينك قبل لا دمع العيون اتهلها
انته سبب لكن ما يلحق على مثلك ملام = والكبد يا رجال من راع المعاني بلها
سعيد الشهيب العتيبي
انا اعرف انك يالمسافر لا شراب ولا طعام = اصبر على ضرب السيوف اللي عليك انسلها
مطير لو تزهب لك البندق وتعطيك الحزام = منته بنافعها ولا تقدر ترجع بلها
متعب زهيان الشلاحي
لا والله الا بينت والنور جلاي الظلام = انا مطيري لا وقف في الملعبه يحتلها
ازهم عتيبه واعرف ان الطق واصل لللعظام = ابن الخليفه قال لي غث الكبود وغلها
سعيد الشهيب العتيبي
انته تبا صدر الجمل ولا تبا راس السنام = ولا تبا الثنتين يا سبع الغداري كلها
تقبلووووو أحترامي وتقديري
أخوكم.أبومرحبا 