سلامي على ربعي هل البيرق المعقود= عتبيه بيوت العرف والفقه والحكمه
اناشاعر(ن) وافي ولا اقرب من المنقود= وابا شاعر(ن)ما يخلف الظن في خصمه

هلا مرحبا عن عزوةٍ يكرمون الرود = عتيبه رجالٍ دايم تسكن القمه
تفضل وهات العلم والدرب لك ممهود= لكن انك دخيلك لاتجي داخل الزحمه

يدوم البقا والطيبه حبلها ممدود= لها مع رجال الطيب ياصاحبي بصمه
الا ياجعيدانتم لكم ماقف مشهود= لكن العلوم طوال حزمه ورى حزمه

ياراع الوفاء لاهنت والعد لك معدود = وكلٍ على ماقيل ثابت على رقمه
ياقوم العلوم الطيبة ماعليكم زود = لكن انت جبت العلم والعلم لك وحمه

المكافح

على اذنك مضطر للخروج لأمر ضروري ولي عودة عند الساعة العاشر ليلاً

لك احترامي

ترى المعرفه ماحاشها الا صليب زنود= رجال الوفا تتعب وتحصل على الد سمه
انا لاهرجت اهرج بوضح النقا المجرود= وافصل ثياب العز كل(ن) على جسمه

مادام العرب تمشي ودرب الرجال سنود = أخاوي شجيع الراس ماأخاوي الرخمه
وأنا لي سوات الضلع لوكان هب النود = طريقن لنا مرسوم ومشي على رسمه