ياسلام الله سلام ٍ ماتغير في نظامه = ماسك النهج السليم وحافظ حقوق العبادي
ياعميلي بعد ماعطوك الرياجيل المسامه = وش يردك ياخوي الجنب عن ذاك الشدادي !!

مرحبا ترحيب وافي للمسلّم في سلامه = مير خلك في بلادك دام انا داخل بلادي !!
لو يقلك صاحبك ماهي هواه ولا مرامه = المعرّف مايعرّف فالمعرفه شي عادي !!

البقا يااصحابنا اللي فاللقا تحما الجهامه = مير تال الوقت ماندري حضر ولا بوادي
انت شاعر مير بعض احيان نلحقك الملامه = نازل ٍ من راس ضلع ومستقر فبطن وادي

والله انّا من ثقيف اللي يعشقون الزعامه = مير قلي ياعقاب انته علامك جيت عادي !!
صاحبك ياعقاب فارس والذخيره في حزامه = والصقر يطلع من المرقاب لو شاف الحنادي !!