الهم ضيف(ن) لانصاني قلت والله ولعنَه=ماهو بخل مير الكريم صدوف وقته باقته
ضيف(ن) ثقيل ومحترف فالجمركه والمسكنَه=قليل عرف وحكمة الأقدار يمي ساقته
في كل ليل أضيفه دام الضيافه ممكنَه=وأبيته ليت الضحى ينثر علي إشراقته
وأليا أشرقت شمس الضحى ينهض تقل جاه طعنَه=وأخذ رحول(ن) من طمعها قوت ذودي حاقته
وقبل يروح أمهد دروبه ورحله ممنَه=وأودعه وأ قول يالله لاتعيد لفاقته
وأليا أ قبل الليل وغدت روس الرعاه مطمنَه=وباتوا مدورت الغبوق مع اللباء ولعاقته
عود علي وجاله بصدري قريع وحنحنَه=وأ قوم وأعشيه وأدخِل مع نياقي ناقته
أنا الكريم ألي بناله بالمكارم سلطنَه=مير الكرم من بعض خلق الله تموت لياقته
بعض الضيوف إن جات فصدور الكرام مسكنَه=وبعض الضيوف تسبب لصدر الكريم ضياقته
وأنا أتباها بالمكارم والرجال مومنَه=لكن هذا الضيف نفسي ياعرب ما أشتاقته
تخيلوا جاله سنَه فالصدر وأكثر من سنَه=وغيره ليا جاله ثلاث أيام ياخذ فاقته
ماغير ملبد خلف عوج(ن) بالعنا مستوطنَه=وإن جيت ألمحله عرفت إن الغباء إعاقته
ثقيل ( دم ) وقصته في وسط صدري مزمنَه=وأنا أستحي لا أ قول ( قم ) والغيض نفسي ذاقته
من سبته جاء للفقر عندي طبول ودندنَه=وأهوه ولاهمه مدوبح فالعشى وعذاقته
ثقل عليه له سنه ياشينها والله سنَه=لين أخرتها مابقي فمراحي ألا؟؟( ناقته)

المشاركة الأصلية كتبت بواسطة شامان الاسعدي (المشاركة 861139) إبراهيم الزراقي صح السانك ياشاعرنا المبدع ونطلب من الله العلي القدير إن يبعد الهم عنا حنا وخوانا المسلمين بيض الله وجهك على ماقدمت ولك مني أجمل تحيه

المشاركة الأصلية كتبت بواسطة المقاطي (المشاركة 861255) إبراهيم الزراقي صح السانك ياشاعرنا المبدع