سلام رده غالية والزين ماهو بالرخيص = حتى يدلك للخيول الطيبات أثمانها
ترى المعاني ياعلي لازم نلبسها قميص = والبندق العوجا تجي من فوقها ووزانها

يا مرحبا و أنا على تكميلة الواجب حريص=هذي عوايد ربعي العتبان مع ضيفانها
انته تعلمني وانا رجّال بالدعوى بخيص=البندقيّه نازن الحبّه على نيشانها

اللي معه عقله يميز فالزمن ماهو نقيص = والناس شافت دربها ياصاحبي باعيانها
من يعرف الجيلوجي اللي متجه يمة خريص=يعكس مسار الخط ويروح على ضلعانها

أمر الله ليا صار ما ينفع مرور و لا ( بوليص )=و مع الهوى ما تثبت الخيمه على عمدانها
بالله يا أهل المجمعه شدّوا تعالوا في خليص=اللي ثمار أشجارها معها تميل أغصانها

احداً يون من المعاني مثل وانات القريص=واللي مشى فالارض ما يخبط على شيرانها
مايطلع السابق يالين انه يدربه القليص=ومن بعدها يحسب حساب اللي طوال أرسانها

المشكله ما غير دوب سراجكم يوبص وبيص=و الناس فالظلماء تولّع للعرب نيرانها
و انا رميت غليص و الرميه قريبه من غليص=و الظاهر إنّه يصبح جنازه بوسط أكفانها

السالفه ياشاعر العتبان ماعنها محيص=مدري سفينة نوح منهو فالبحر ربانها
وان كانها راحت وجات وعودت في حيص بيص=تبى تجيك رسالة ترجع على عنوانها

لك مثلها و صفوف لعب الملعبه ترقص رقيص=فالسوق يا كثر البضايع تشتبه فالوانها
فالمملكه يا صاحبي ما فيه غير العيص عيص=و رسالتك قدّام ترسلها اثمرتها عانها