يازهرة الجوري علي ضفت النيل=
ياقمة الروعه ونسمة عطوره=
يالمنظر الخلاب ومن حوله السيل=
قبل شروق الشمس يكشح بنوره=
سلامن اشهى من شراب الفناجيل=
بريتن من كل صنف امحكوره=
يفوح من فنجالها البن والهيل=
اليا انسكب والنفس منه امخموره=
علي الغضي تعزف وتبعث مراسيل=
اللي يقاسمني غلاه وسروره=
بيني وبينه عهد وعشره ومواصيل=
ماينقطع وصله وصادق حضوره=
ريميتن تذبح قلوب الرياجيل=
واتحير الصاحي ويفقد شعوره=
في عينها اسهوم القضا والمواويل=
اللي من اقصى القلب جات امغموره=
والخد نور من القمر لاظلم اليل=
تاخذ مكانه لاتغيب ظهوره=
والخصر واردوفه يهيم المشاكيل=
يخلي الصايم يدور فطوره=
تغويه عن درب السنع والمداهيل=
ويوسوس الشيطان وقت الضروره=
اليا ابتسم راح الشقا والغرابيل=
كنا السعاده في شفاه امحصوره=
واليا اقبلت ساح القلم حبر ويسيل=
واليا ادبرت حار القلم في سطوره=
لو الحقت ناسن علي السيف والخيل=
يمدي القبايل من حلاها جزوره=
واللي بقوله موجز العلم تفصيل=
ترا علاها من العوذال خطوره=
لكن ماتسمع هل القال والقيل=
عنده فهد مثل الربيع وزهوره=
عساه يبقا لليال المقابيل=
ويستر عليه من العيون النظوره=