يامرسـل ٍ خطـك بليـا عناويـن=ياليـت لـو وضحتهـا بالرسالـه
لكن مضمون الرساله حدى امريـن=إما حسد فـي داخلـك او جهالـه
تقـول لعتيبـه جنـود ٍ وراعـيـن=وحنـا جنـود ٍ للوطـن ياحثـالـه
حنـا جنـود ٍ للوطـن يامساكيـن=هـذا الوطـن منـا وحنـا عيالـه
دون الوطن ناقف على العسر واللين=ونسعى لاجل عز الوطن مع رجاله
حنا هل العوجـا ولانتـم بناسيـن=قد قالهـا مشعـل واجـدد مقالـه
برقـا وروق مرجحيـن الموازيـن=وقالاتهم تمشـي علـى كـل قالـه
لطامـة العايـل كعـام المعـاديـن=ذباحـة الحايـل بطيـب وسهالـه
لأصحابنـا واحبابنـا والموالـيـن=مثل السحاب اللـي تـرادم خيالـه
إليا حظرنا فـي جميـع المياديـن=النـعـم والله مانحـصـل بـدالـه
كبيرنـا ياخـذ بـدل نعـم نعميـن=وصغيرنا للطيـب يشعـب جمالـه
حنا كسبناهـا مـن اول وهالحيـن=وانتـه ترددهـا يـالالـه يـالالـه
بعطيك نبـذه واختصرهـا بثنتيـن=والعلـم واضـح مايبيلـه دلالــه
لكن انـا بعطيـك كـل البراهيـن=ولاخيـر فاللـي مايوثـق مقـالـه
الله مدحنا فـي كتابـه مـن سنيـن=سبحانه المولـى عزيـز الجلالـه
وياجاهل اسمع كلمة ٍ بيـن قوسيـن=( الطيب عـم ٍ للعتيبـي وخالـه )

صح لسانك

يانايف

تحيتي وتقديري

الله الله

ياسلام يانايف

صح لسانك ملااااااايين

تقبل اطيب تحيه