مرحبا ترحيبةٍ من نارنا موسومه =من تعرض دربها بسم الله الرحماني
يامحمد لو تعس الديره المرحومه =ماجلست تهز راسك فالبلد وحداني

البقا ياشاعر ٍ ياطيب كل اعلومه = من غلاه اعتبره انه واحد من اخواني
انت ياحاكم علومك كلها مفهومه = سم بالرحمن واتعوّذ من الشيطاني

العرب في حقوقها ياصاحبي ملزومه =ماتكب حقوقها لو كان مهما كاني
يامحمد وانت سابح فالبحر وتعومه =ويش رد الباخره ياحضرة القبطاني؟

الوطن محكوم والعالم بعد محكومه = ولاتضيع حقوقنا والعلم له برهاني !!
كثر الله خير وقت ٍ كاثرات غيومه = ماصفالك جو ياللي تنفض الجنحاني !!

من لذيذ الزاد نفسك وشبها محرومه =والقصر يابن رشيد مشرع البيباني
الصراحه كل نفسٍ بارضها مغرومه=والله انك ماتخلي ديرة البدواني

يادمي مالك يكود اللقمه المقسومه = ولقمة ٍ ماهي بلك في فم ّ شخص ٍ ثاني !!
لد عينك يالعتيبي للسماء ونجومه = وانت تعرفني ولن دورتني تلقاني !!

لاتبرد عزمك... انظر للجبل وعزومه=اقّر في سيرة بخيت وشيخنا قشعاني
عارفينك ..مير دارِِك نفسك المظلومه=لاتغسلها وتدفنها بدون اكفاني