الضيق ماله عني وانا اخـوك مجنـاب=ليظلـم سـواد الليـل جالضيـق كلـه
ان قلت جرحـي طـاب والله ماطـاب=الصدر مـل الضيـق والضيـق ملـه
والضن فـي رب المخاليـق ماخـاب=يفرج هموم(ن)تتعـب القلـب وتسلـه
همي ماهو من هوى ناقشات الخضـاب=ولاصابنـي هـم(ن) مـن الـحـب لله
بلاي فرقى عزيز(ن)عقبه القلب منصاب=قفابه المـوت ياليـت انـا والله فدلـه
اطلب له المـولا وهـو رب الاربـاب=يجعله في فـردوس عـدن(ن) محلـه

يامرحبا بالقاف والقـاف ماشـاب=من واحد(ن)كـل النشامـا تدلـه
عون الخوي اليا لجاله والاقراب=وسم(ن)على كبود الاعادي وعله
عشرين خمسه يجذب الفكر جذاب=والقلـب كنـك تنهشـه بالاخلـه
اشغلت فكري يا محمد بالاسباب=وذكرتني من نجتمع فـي محلـه
نرجي من المعبود حلال الانشاب=يمحا ذنوب(ن) فايتـه ويغفرلـه
يالله يامعبـود فتـاح الابــواب=تفرج هموم(ن)في ضميره تملـه
من كِبـر همـه لايفكر وينصـاب=ويزوره الـي خافيـن ويحصلـه