مــسيت بـالخير
ودنا بطاروق خطافي يــاعلي كان عندكـ وقت بعد محاورتك مع الشاعر حاكم الغنامي

يا مرحبا ترحيبةٍ منها يهيضنّ الصدور=بالشاعر اللي يوم شاف البحر قال أبشرعه
الرجل يظهر و يتبيّن مع طويلين الشبور=ما يختفي بين الرياجيل اسمع العلم اسمعه

دام البقاء ياللي ترحب وانت لي رخصة عبور = تبغى تضيقها علينا مار علمي من سعه
ظهرت اوجه ربعي الشعار في بعض الامور = واللي يبى يلعب على الحبلين ارده واردعه

انته معك رخصه و لا تحتاج لرجال المرور=و اللي سواتك ما نخرّبها عليه إنسنّعه
تبا توجّه لك رجالٍ ما حصل منهم قصور=و الظاهر انّك ما تقصّر و الوفا ما تمنعه

الرخصه اللي في يدي تحتاج رجالٍ صبور= والظاهر انك ماتزكي عالمٍ متجمعه
ماني مقصر ببدع القيفان وادّرس واشور= والخمسه اللي حولنا خوفي تسوي قرقعه

حنّا نبا ندهن لك اليمنى من شطوط الجزور=لعل ابو حربه بعد حظّه يقوم و يرفعه
انته تقرقع مار حنّا ما نلفّ و لا ندور=حنّا نحاول نعمل المعروف فيك و نزرعه