المدح شكر الطيب في صوت مسموع=طاريه برق ٍ في دجى الليل لامع
ولولا الثنى كان اصبح الجود مقطوع=ولولا البكاءْ ماطاح للعين دامع
واللي يرى مدح المناعير ممنوع=هذا ك ماله من اْهل الجود سامع
احد ٍ يحسب المدح بحساب مشروع=طامع ويحسْب كل من قال طامع
الناس يا ابن الناس ماهي على نوع=والفرق بالغايات وبكل رامع
وانا على مدح الكريمين مدفوع=ولاني مدور بالقصايد مطامع
حب الكرم هو دافع الشعر للفوع=يفوع مايوحي من الناس قامع
المدح يزهى اللي به الطيب مزروع=زرع ٍ لك الله ماحوته الصوامع
ان قيل من هو قلت والراس مرفوع=شيخٍ دعو له في جميع الجوامع
مرحوم ياللي ضيّف جموع وجموع=اسمٍ على جبهات الامجاد شامع
ياعنّك ما طيبه ملفق ومصنوع=ويا عنْك ماهو من ردى الخال خامع
عليه صدر الطيب ضايق ومفجوع=وعليه صبَن العيون المدامع
لمثله تفز حروف الاشعار عن طوع=وِلْها الفخر لا شنفّن المسامع
تدرون من هو طايل الصيت والبوع=اللي نهر جوده به الكل كامع
هذاك مزبن من شكى الضيم والجوع=الصيرمي عبدالعزيز ابن جامع

الشاعر / عايد بن رحيل الشمري

ابو عبدالعزيز

اهلين ابو مرحبا

شرفني مرورك

حمد المقاطي


شكراً لمرورك يالغالي