يا سلامي سلام إسلام عبر الأثير = للكويت وحكومتها وسكانها
يا علي ويش باقي من سنام البعير = الذيابه عليه تحد نيبانها

مرحبا في محل أهل المقام الكبير = دولة ٍ كلنا ناقف على شأنها
أبشر بخير باقي منه شئ ٍ كثير = باقي القلب والعينين والسانها

البقا يارفيق ٍ شاد فيه الوزير = وأنت فوق السفينه منت بوزانها
يكتب الله رزقك يالغني والفقير = ويش قسمك بها والطيبة عانها

آكبر الفخر في القلطة وجود الأمير = بعد ثبت على أرض العز سيسانها
أنت ياطير ياللي للسماء ما تطير = والطيور الكبار ترف جنحانها

بعد طاح الحياء ثم جاك علم البشير = شفت بعض البدو في وسط مرحانها
يم طلعة كرى شفت البقيلي مغير= مادرى انى رجال ٍ طالت أيمانها

أحفظ الحب قدامك رحى تسدير = لاتجمع حبوبك عند طحانها
يا محمد طلع في داركم غاز بير = فيه نيران ٍ كلن شاف دخانها

مايعرف السفاره كود رجل ٍ سفير = وأنت عارف شيوخ القوم وأعيانها

سلام ردية على كل القبايل والشعوب = اللي يحبون الشعر واللي لهم فكر وعي
جو السماء ساع أحتمى والبحر هبت له هبوب = والليل روح والنهار أقبل وياشمس أطلعي

يا مرحبا بك بالنيابه من شمال ومن جنوب = لأهل الوفاء وأهل النقاء واللي لهم علم وسعي
هات الخبر رد الخبر من بعد ما هبت هبوب = لين كنت رجل ٍ تستطنع قدم رجال ٍ تصنعي

دام البقا والعلم له توثيق وحساب محسوب = لاكن طيري يا حمامه ياحمامه وقعي
العصر يبن نخيش تضحك لي وتنفخ فالذروب = والحين يبن نخيش لا تنفخ ولا تضحك معي

طاح الحياء يا صاحبي من عقب همال النصوب = والله ما أفكك يالبقيلي لين أشوفك تقنعي
من لا يقدر معرفه رجال متغطرس كذوب = لاكن سوق الذود لين أنه يفلي بالرعي

حنا بنيناها حجر ياللي بنيتوها بطوب = ياللي تجيب الطوب من مصنعك ماهو مصنعي
ياللي تبي مكه تبي عمره لتخفيف الذنوب = أن مالبست أحرام مالك لا طواف ولا سعي

أنا ليا مني مشيت الدرب أدلك بالدروب = وأن كان ما أرضاك العجب ما ضني أذنك تسمعي