هلا يامرحبا ترحيبة ٍ تنصى حكيم الشور=على زول العصيمي جات مربوعه ومثنيه
انا اشوف العصيمي ناوي ٍ قمة سنام الكور=لو ان العود ما وصاه في هذي ولا ذيَه

عسى فيك البقا ياللي تغني مار لف ودور=انا بعطيك مني حاجةً ماهي بعادية
انا طمعان عقب العود اسوق الزمل بالباكور=هذا زملي وزمل اصحابنا وسامة الحية

انا قدم آخذ علومك واشوف اللي حصل بالدور=ماني شاره على كلمتك لو ماهي طبيعيه
تسوق الزمل والباكور من فعل الدهر مشقور=كبيره كانها صارت علاك اليوم ماريه

موارينا مواري مرجله يالطير ابو دنقور=تحسبن الدعاوي كلبوها صيد محميه؟
انا اعرفك صغير سن عمرك فوق تسع شهور=ولكن ماني بناسيك لاجيت الحزيمية

المشاركة الأصلية كتبت بواسطة حاكم الغنامي (المشاركة 855398) الله الله ياسلام عليكــ ياعناد مبدى جززل وووصح لساانكـــ وننتظر العصيمي وصح لسااانه

انا ما اجهل مواري ربعنا لو ما هناك قصور=ترى كسب المراجل ما يجي من طاق طاقيه
ليا سقت القدم خاطرك يمسي عندنا مسرور=ولكن العلوم الثانيه لا تمسك نحيه

هذا الروقي مجمعله حصا في كفة المصرور=وطشه مع مهب الريح والهبه شماليه .. !!
ابنتف ريشة العصفور واستر بيضة العصفور=واطرفّها واغيبها عن عيون الحراميه .. !!