يامرحبا ياهلا ترحيب يقض اللزوم=بالشاعر اللي علوم الطيب قد جابها
بيني وبينه علومّ مثل زرق السهوم=والدله اللي تبهر جاك شرابها

دام البقا بي وبمطير النشاما عموم = والله يبقى عتيبة ذخر لااصحابها
بيني وبينك علوم وقبل سرد العلوم = ترى الحقوق القديمة جاك طلابها

عقب اللقا يالمطيري جعل ربعك تدوم=للطيب والمرجله دايم على بابها
اثر العلوم القديمه مثل ضرب النجوم=والنار يصاحبي من كان شبابها

انته مدافع و(دافع ) وش تبا بالهجوم = درب المراجل عسر واصحابك اولى بها
ياليت عوّدك يردك لاتجي فاللزوم = وامك تقفل علاك بوسط دولابها

انا مدافع واهاجم للعدا والخصوم=وقت المهاجم عتيبه انته ادرابها
حنا ترانا رجال ماحسبنا الخصوم=ويكفيك فاجر نهار الشلف يغنابها

ياقوم ياللي باواسط نجد ماانتم ب قوم = هيبة لحاكم متى تضفي على اشنابها
حلالكم يوم يسهجها الحصان العزوم = بانت بواين حضور القوم وغيابها

حنا ترانا رجالّ قد سلبنا الهدوم=وبنت الدويش الغنيه ذابت اهدابها
حلالنا يالمطيري في حلال القروم=يومَ بعض الحيايا نقتضي دابها