السلام عليكم ورحمة الله وبركاتة

اضع بين ايديكم هذه القصيده البسيطه واتمنى ان تنال اعجابكم

في حزتن تصعب على شنابها=لبيتها مدري وش اللي صابها
لفيت في ذاك الطريق المظلم=وأشوف ناس(ن) بان فلت أعصابها
قربت أحقق بالنظر وش صاير=حقيت في من ترتجي غصابها
وقفت والعزوة بدت في قولي=ربعي تجير اللي يطيح أحجابها
أنا ولد روق احتمي منطوقي=وأقبلت أعزوي في يدي مشعابها
وردتها من دون خوف ورحمه=لين أوكدت في قلته مضرابها
ثم سقتها يم الخسيس الثاني=ووحيت ونت مهجته من مابها
الحق لهم من صابني طعناته=جتني طعون(ن) غدرها في نابها
ميقاعها من فوق دقت قلبي=قفاء وأنا قمت احتوي منصابها
والفت تجر الصوت قبل الويله=والدمع فوق الخد بان أركابها
تصرخ حميد الحق علي بسرعة=قرب لي الموتر وفك أبوابها
وقفت في دمي وهي تعضدني=ثم حرك الموتر معي ركابها
قالت عباتي قلت أنا سترن لك=وأغماء عليه في نعيم أقضابها
صحيت في قسم الطواري منهك=والحزن في قلب الترف سنابها
قالت سلامة حالتك من جوره=عل السلامه في كنف محرابها
قلت أطيب الحالات حال الناظر=اللي يغير ولا يخيل أحسابها
أن ردها عود على هقواته=وأن روحت ما عاد من معطابها
ثم بوسمت عندي عيون(ن) خجله=وأشعل على عيني بريق أعجابها
جانا متين(ن) وأثقن من نفسه=وأبداء يمين(ن) في يدي مرحابها
ثم طالني شكرن يسر أعماقي=قبل الوداع أيصب في مصبابها
قفت وهي تبكي على فرقانا=وأنا طيوفي تحترق في غابها