ياسلامي سلام الي يرد التحيه = في محل الرجال الي تجيب السماني
ياهل الشرق يم ٌ الغرب راس المطيه = من قديم العصور وفي جديد الزماني

مرحبابك على عز وفنجال بريه=من عريب المجاني في عريب المجاني
احمها يا مقهوي لا تعدا طميه=من عرفها عسفها فايا وقت وزماني

ياهلا مرحبا في حلت اهل الحميه=ربعي الي لهم بلقلب قدر ومكاني
ياهل الشرق يم الغرب قلعت طميه=لايغرك كلامك من فلان الفلاني

التواريخ تكتب كل حسنه وسيه = من قراها عرفها ماتبا ترجماني
في ظهور البقر حطو سراج العبيٌه = جاتك مدرهمه من كل صوب ومكاني

العرب ما تفرق فالضحاء والمسيه=دربكه كلها من راسه الدربكاني
الصايل تفوز ولا علاه جريه=والهتيمي يفر فالراسه القيملاني

الوبا منتشر في وسط نجد العذيه = يالله إنا في وجهك وانته المستعاني
سمٌها سم داب ونابها ناب حيٌه = المعاني تبيد الخلق فاربع ثواني