عليك الفرج ياالله ياحي ياقيّوم = إلهٍ عباده كلها تلفت يمّه
الا يارفيقي والله انه عداك اللوم = انا اللي علي اللوم في ذمتي ذمه
ولكن سامحني ترى العلم فيه علوم = ولا يفرح اللي بيننا ينقل النمه
حصل ماحصل والعبد يصبر على المقسوم=يدور الزمان ويخلف العزم والهمه
(طرات الرجل لا لحقه من الزمان هموم= ما يدري بسده كود خيرة بني عمه)
وسيع البنايد في الشدايد قوي عزوم= لعظك زمانك شال همّك مع همّه
وانا والله اني ماتهنى بحلو النوم= ورفيقي عليه هموم الايام ملتمه
اشيل الحمل منه واحطّه علي واقوم= مقام يورد مظمي الما على الجمّه
لكن الزمان الشين ظالم وانا مظلوم = على الهون ياللي تمدح الوقت وتذمه
تهب الهبايب والسفن في البحور تعوم= وتقفي بها صلف الهبايب عن اليمه
هبوب تصلفقها وبحر وسما ونجوم = وموج تقفاه العواصيف وتزمه

المشاركة الأصلية كتبت بواسطة أبونواف (المشاركة 853403) ولكن سامحني تـرى العلـم فيـه علـوم ===============ولا يفـرح اللـي بيننـا ينقـل النـمـه الله الله ياسلام صح لسان سلطان الهاجري ولاهنت على النقل ياعبد الله

المشاركة الأصلية كتبت بواسطة محمد العتيبي (المشاركة 853488) صح لسااان الشاعر العلم / سلطان بن وسام الهاجري .. ولاهنت يالغالي على الاختيار الرائع .. تحيتي لك ...

المشاركة الأصلية كتبت بواسطة كعام المعادين (المشاركة 916370) صح لسانك مدد بلاعدد ولك كل التقدير والاحترام