محمد رشيد الزراقي =

هلا يا مرحبا حيّيت يا خالد ولد مقبول=بعد ربي جمعنا كلنا في موقع عتيبه
عساك التاجر اللي خزنته فيها الذهب و اللول=لو انّي ما لحقني فيك لا شكه و لا ريبه

خالد مقبول العصيمي =

عسا طول البقا للي يقول ويعتني بالقـول=زميلي شاعرٍ طيب وهذا الليل يـا طيبـه
جنيهات الذهب زكاتها من بعد راس الحول=ليا حلت زكاته نعطي المحتاج فـي جيبـه

محمد رشيد الزراقي =

كما تعلم ما فيه ألغاز يا خالد بدون حلول=وأنا أبعطيك لغز و لو تفكّر يمكن ...تجيبه
انا خابرك تدعي كل يوم إنّ الجبال تزول=لكن إن زالت مصيبه و لن ما زالت مصيبه

خالد مقبول العصيمي =

ليا مني لقيتك ماتعديتـك بصـب الـدول=ابا اقدم لك الفنجال وانتـه لا تماريبـه!!
تراها مشكله لو تصبح الدنيا بحر وسهول= اخاف ان البحر يشتال ابو مالك يجينيبـه

محمد رشيد الزراقي =

لنا الفنجال الاول يوم جا للحرب دق طبول=نمدّ الكـفّ للفنجـال و نكمّـل مواجيبـه
ترى حلّك هذا خاطي و لا هو عندنا مقبول=على دربك جبل مالك عنه لفّه و تجنيبـه

خالد مقبول العصيمي =

خذ الفنجال لاول وشرب الثاني وصول وجـول=وانا خابرك زراقي وشـرب الكيـف ضاريبـه
عرفت انك قصير سليم وعيونك كباااار وحـول=تشوف الشمس في مبدى الضحى وتقول تغريبه

محمد رشيد الزراقي =

انا معروف واسج القدم فالارض عرض وطول=ترى المفروض ماعلمك وانت العلم تدريبه !!
جملكم غير حمله يالعصيمي كم يشيل حمول=لكن الهرش تال الوقت شره في عراقيبه !!

خالد مقبول العصيمي =

يعرفونك يا ابو مالك ليا صارت تميس وفول=ليا درت الصحن فعلك بني عمك تهذريبـه
يربع في شجاري مدركه ويسند الصهلـول=شعيبٍ حولكم تنقز حصانيتـه علـى ذيبـه

محمد رشيد الزراقي =

انا فعلي ينومسني مثل ما للرجال فعول=لكن اللي مايفهم ياعتيبه ويش اسويبه !!
اثر بعض العرب تهرج على الفاضي بدون عقول=هذا علم ٍ تسندبه وهذا علم تنحيبه !!

خالد مقبول العصيمي =

كبيره ياكبير القوم رديت الدروع همـول=وانا قلت لك علمٍ ماش غيره وانت تحريبه
محمد يامحمد هرجنا كلـه معـك معقـول=لا تفهمنا خطا ولا تحسب انه من الغيبـه