سلطان بن دحيم

الاوله شكري وتقديري لاهل بيض القلوب = والثانيه ميزت بيضان القلوب وسودها
واللي نحسب انه ليا غبنا عن العزوه ينوب = شفناه من بين العدا ومساعد(ن) لجنودها

ابن سرحان الثبيتي

الاوله يامرحبا باللي يعرفون الوجوب = والثانية بيض القلوب اتجود من ماجودها
لا تنخدع ياصاحبي في ضحكة البنت اللعوب = اللي تدس السم لك وانته تحب اخدودها

سلطان بن دحيم

الك البقا من شاعر ما تاه ما بين الدروب = لكن اشوف النار شبت ثم دخن عودها
انا اعرف الهرجه ليا من جات من عند الكذوب = على ما قال الهاجري والناس دون حدودها

ابن سرحان الثبيتي

انا اعرف المترديه واشوفها مع كل صوب = مامد يمنايه لفطحتها ولا عجرودها
خليتها للي عطوها وجه لين امست حلوب = واليوم قامت تلوي ارقاب الرجال اعضودها

سلطان بن دحيم

ما انت بعلا المترديه هي والنطيحه بغصوب = شف لك طريقه قبل لا يلحق بكم منقودها
ترا الكلام اللي تقوله يا ابيض الوجه محسوب = والناس يرضخ لامر قايدها لزم مقيودها

ابن سرحان الثبيتي

السارق اللي ما تقص ايداه لا يمكن يتوب = والهرجه اليا قلتها لك لا تزيد اتعودها
كل البلا فالقاضي اللي ماعرف حكم الذنوب = ولا القضيه واضحه والحاظرين شهودها

سلطان بن دحيم

الامر عندك لا تهرب ما ينجيك الهروب = والهرجه اللي جتك ما انت بجاهل(ن) مقصودها
كل البلاء يا صاحبي في راعي الغوج الهذوب = اللي يحسب ان العرب زوده تعدا زودها

ابن سرحان الثبيتي

المشكله فالحرمه اللي لابسه غتره وثوب = جتنا برخصه والمواتر كل يوم اتقودها
كل ٍ يباريها وانا راقبتها عند الغروب = واريت من تحت الثياب البيض روس انهودها

سلطان بن دحيم

المركبه وسط البحر قامت تصلفقها الهبوب = يالله طلبتك لا تضيع للعرب مجهودها
وجهتها يم الشمال وجهها يم الجنوب = كله لجل ناس(ن) جدودك يا النبيه جدودها