تضامناً مع الطلاب !!
 

هذه القصيدة أيام التوجيهي :)
قبل سنتين مدري ثلاث سنين :confused:
<<--- ماهو حوفك والله حوف نظام الساعات في الجامعة هههههههه


[poet font="Simplified Arabic,5,blue,normal,normal" bkcolor="white" bkimage="backgrounds/11.gif" border="ridge,6,darkred" type=2 line=200% align=center use=ex length=0 char="" num="0,black" filter=""]
لا واعنا الروح من همٍ سكن فيّه =بالقلب ساكن بوسط قصور مبنية
على طراز أفخم البنيان بانيها=ومجوّدٍ ساسها بايدي صناعية
حاولت أهاجم عليه وزاد هاجمني=ماغير احاول على خطة دفاعية
في كل لحظة يهاجمني بغاراته=يشن غارات برية وجوية
ماعاد لي فيه لا حولٍ ولاقوة=أشكيه للي عليه أرفع شكاوية
الواحد اللي عليم وعالمٍ حالي=يجلى هموم العباد ويدفع السية
عساه في حالتي ينظر ويفرج لي=ماغيره أحدٍ دعيته رافع يدية
الناس كلٍ يقابلني وينشدني=يقول وش فيك وأجحد كل مافيّة
لكن بانت همومي من على حالي=أصبحت كني قريص الداب والحية
من سبّة المدرسة ضاقت خواطرنا= ماعاد لا نعرف الروحة ولا الجية
صرنا سوات السجين اللي طول سجنه=من دونه القفل وأبوابٍ حديدية
والنوم مانعرفه ماغير نسمع به=على السهر ماتحدونا الحونشيّة
نجمع كتبنا كتاب كتاب ندرسها = وان كان خلصت هذي هات هذية
فيها بعضها نميّزها ونقراها = وإلا بعضها كتابات إنجليزية
يومين وإلا ثلاثة ماتخلصها=والوقت ماغير ليل وطرف عصرية
واليوم عندك يا " أبو عواد " ساعدنا = عن فزعةٍ منك ماحنا غناوية
مادام لازم خطام شعيل بيمينك=تصرفه حيث ما تطري لك النية
قوده على مايساعدنا وينفعنا=حسب الأمل فيك ماتحتاج لـ وصية
بكرة وبعده على يميناك تلقانا=مايستوي محزمٍ مافيه جنية
وأنت تعرفني تمام ونسبتي زينة=حدود ثمنية تسعين فالمية
مير النصيفة من الطلاب في حالة=أظن ماعاد حالتهم طبيعية
من كثر همّ الدراسة شان منظرهم =يظهر على بعضهم حالات نفسية
البعض منهم وراه أسرة ويرجونه = فاللي يجي من ورى الطالب رجاوية
والبعض منهم يبي رزقه على نفسه=مايطلب من العرب لو قطرة المية
والبعض منهم يبي مايستر أحواله=من يوم عاشوا هله ناسٍ شفلتية
والكل منا يحاول خدمة أوطانه=ولنا الفخر يوم نخدم فـ السعودية
الموطن اللي سكنّا به وعشنا به = ننعم بفضل وإسلامٍ وحرية
الدين نمشي على نهجه ومنهاجه=الدين الإسلام ماهوب الصليبية
نمشي بالأخلاق والمعروف والرحمة=ماهوب نمشي بالأخلاق التجارية
ولو الزمن عن مواطنّا يبعّدنا=حب الوطن حط له في القلب مارية
وختامها عد من هو طاف بالكعبة= ازكى صلاةٍ على المختار وتحية
[/poet]

وسلامتكم .

أبو عواد : الأستاذ الفاضل / معلا عليان العطياني

مدير متوسطة وثانوية مدركة




.

صح لسااانك يا وصل


بس شعيل منهو ووش ماسكين علاه ؟

تحياتي يا الممتاز

Re: تضامناً مع الطلاب !!
 

الأخ الغالي / وصل العطياني الله يعطيك العافية أسلوب شعري رااائع

بروعة شاعره 00مبدع ياوصل الله يسلمك


أخوك/ سمران القثامي

وصل

صح لسانك والله يعطيك العافيه

اخوك عتيبي عفيف

الله عليك يا وصل


الله عليك




قصيده في قمه الروعه

والاحساس والصدق غير طبيعي


مشاءالله عليك


وصح السانك على ذالجزله


ولك تحياتي

الاخ والشاعر المبدع

وصل العطياني

هكذا الشعر والا بلا

هكذا عودتنا

صح لساااااااانك مليار

الله لايعطيك

ولو الزمـن عـن مواطنّـا iiيبعّدنـا
حب الوطن حط له في القلب iiماريـة

صح لسانك اخوي وصل
قصيده تنم عن معاناه بس راااااااااااااااااااااائعه
تحياااااااااااااتي

صح لسانك يالعطياني


ولا هنت