أزكـى سـلام الله ماهبَـت الـنـود=ومادنـدن الراعـد وهلَـت غمامـة
للي مقامـه فالحشـا مالـه حـدود=أكبر مـن جبـال السـراة وتهامـة
والله اني احبه كمـا اخوانـي وزود=وحبه مسـوَي فالضمايـر علامـة
تكفون يـا الاجـواد ودَوه لسعـود=نبع الوفاء رمـز الفخـر والكرامـة
ان جاه من صوبي خطيـه ومنقـود=ومشيت في درب الخطـأ والملامـة
أكيد انا الخسـران يامنبـع الجـود=مثل الغشيم اللي زهد فـي حزامـه
واليا وقف فالدرب حاسـد ومقـرود=وزرع بـذور التفرقـة فـي كلامـه
انا على صحبتك ياسعـود محسـود=من ناعب البيـن وغـراب الندامـة
ابشر بعزك وابشـر بحـقَ مجـرود=ولايمكـن اسـوَي سـواة النعامـة
الطيب فالك وانت شامخ كما الطـود=لبـا المراجـل والفخـر والشهامـة
وكان الرجال انواع فاانت ازرق العود=الطيب ساسك وانـت ذروة سنامـه
وكان النوايا بيضها خالـط السـود=وتاهت بنـا مـرة هنتنـا السلامـة
ماهمَني يزعـل طوابيـر وحشـود=إلاَ انت يافـارض علـيَ احترامـه
اسنـود غاياتـك وراياتـك سنـود=وانته ياابو عـزّوز هامـة وقامـة

المشاركة الأصلية كتبت بواسطة محمد العتيبي (المشاركة 850245) صح لسانك ياهلال ... ابدعت ..

المشاركة الأصلية كتبت بواسطة ابن سرحان الثبيتي (المشاركة 850319) ان جاه من صوبي خطيـه ومنقـود ومشيت في درب الخطـأ والملامـة أكيد انا الخسـران يامنبـع الجـود مثل الغشيم اللي زهد فـي حزامـه الله الله ياهلال كلام مختلف تماما كما هو انت دائما ماتطل علينا من زاويه جديدة راااااااائع في وفائك وشعرك تحيتي لكـ

المشاركة الأصلية كتبت بواسطة فواز علي سريع الروقي (المشاركة 850323) صح لسانك لاهنت على ماقلت تقبل تحياتي