هلا يامرحبا ترحيب عطر ٍ وارده باريس = علشان العضياني نقدمها ونهديها
ليا منك حضرت المنتدى ذكرتني ببليس = مقاشر للعرب والناس فنفسها مواذيها

يدوم لك البقا ياللي تنادي فارس الفرّيس=تجاوبك الرجال اللي تناديها باساميها
و انا ذكرتني هدهد سبأ في مملكة بلقيس=علوم يجيبها و علوم ما شاء الله يودّيها

انا مالوم ابو زيد الهلالي يوم نادى قيس = ابو زيد الهلالي خابر الدعوى ومافيها
وش الي فالجزيره غير شغل الكذب والتدليس = تثير الفتنه الي كل مانامت تصحيها

أنا يا خوي أبا أدرّسك كان انّك تبا التّدريس=على شان اتعرف وش لون تاخذها و تعطيها
بنينا صرحنا الشامخ ... و جوّدنا له التاسيس=يا راع الكلمه اللي ما تبيّض وجه راعيها

انا خابر دورسك كلها فالطبخ والتخسيس = دورس المعرفه عندي ونفسك لاتعنيها
على وجه الرفيق اقدم المقدور (فيس لفيس) = نصيحه يوم كان الناس بالاموال تشريها