سلام الله سلام الشاعر اللي هيبته تكفيه =تسده في غيابه وان حضر تحضر مع حضوره
نبا نبني بيوت الشعر والمعنى نبا نخفيه =والا يازينها لاجات والاوظاع مستوره

هلا يامرحبا من شاعرٍ بيت الشرف بانيه = ولن جاء في مجال الشعر يسبح غبة بحوره.
تهرج يالعتيبي لين علمك بالسمع نوحيه = ولايازين علمك لاطلع بالصوت والصوره.

يدوم الك البقا والوضع فيه من العلوم وفيه =(بروق الخير تبرق فالسماء) والارض ممطوره
ترى عد الروى مورود لوهي غثربت صافيه =دغاليبٍ تجي وتروح منهيه وماموره

علوم الطيبين تبين والمخطي نبي نجزيه = على ماقدمت يمناه من زاده وميسوره.
صديع الراس ماله غير ميسم حاميآ يكويه = على شأنه يعرف الدرب والا يفقد شعوره

ابو طايل عسى ربي يعينه دوم ويعافيه =لونه يظبط السيسان مامالتبه قصوره
صديع الراس عنديله دوىً باذن الله بيشفيه =وحمى الضّنك في مكه نحاصرها ..ومدحوره