هلا يامرحبا ترحيب ينصا الفارس المقدام =يخص الطايره ويخص طيارٍ يطير ابها
عطيتك طلقةٍ تجبر وتكسر للرجال عظام=واشوفك ياولد عمي مخادن مارميت ابها

لعل للبقا والله يبارك فيك يالضرغام=تجي قدمها ولا تحادا مع جوانبها
ترى طلقتك ياحاكم ماترميها على الحكام=ابيك تردها يم العدا كانك مزهبها

انا بنشدك كيف الحال عقب حجامة الحجام =بموسه حجمك في ديرهٍ تبخص مضاربها
انا من دون ربعي درع وسلاح وقنا وحزام =اجي لاثارت الامواج واصطدمت مراكبها