الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   بيني وبين علي فلاح العضياني (http://www.otaibah.net/m/showthread.php?t=90100)

المعتصم بالله 01-May-2009 10:53 PM

بيني وبين علي فلاح العضياني
 
السلام عليكم جميعاً هذه ابيات وجهتها لأخي الشاعر / علي فلاح العضياني

وقد رد عليها واليكم القصيده والرد من علي.

احترامي للجميع.


عزي لقلبٍ طواه الهم والحيره=من عشرةٍ ما عرفنا وش نتايجها
عليك ياشبه ريمٍ صابته ذيره=من ضول قومٍ بعد مااوحى لجالجها
أو عود موزٍ تهب الريح وتثيره=واليا انثنى نار قلبي زاد واهجها
زودٍ على حسنها في سنها صغيره=ياويل من شافها لحظة تغنجها
ثالث سنه ماشي بحبه وتقديره=وله صورةٍ راسخه بالفكر ناسجها
يخطي واسامح ليا جتني معاذيره=واقول زله ولابده يعالجها
واطفى شموع المحبه يالله الخيره=وانا غرامه على نفسي مخالجها
لو كان عشقه علي/ه/بان تاثيره=من صد عني عليه النفس ما احرجها
واليا سمعت المثل (ديره بدل ديره)=اقول الامثال يا محلا مناهجها
يطري اسج القدم وافضها سيره=ولابد من يوم والمولى يفرجها
لكن قبل الوداع ابا اطلب الشيره=من صاحبٍ يلقى للعسره مخارجها
ذخر اللي يوم انها بارود وسعيره=يشهد لهم داخل الدوله وخارجها
الاد ثعلي ونعم الاسم والجيره=اي والله من الله النعم متولجها
ياعلي يارمز للشعر ومشاهيره=ارسلت لك حجةٍ ازريت لاافلجها


رد علي فلاح العضياني
:
:
:

يالشاعر اللي يهيض البال تعبيره=وخيل المعاني مع الشعار يسرجها
شاعر مع اهل القوافي سيرته سيره=يسقي حيام القصايد لين يبهجها
قوة بيوته تجي من قو تفكيره=وانتاج تصديرها من طيب منتجها
ان كان فلبك تسارج به دوافيره=ونار الغرام احتمى بالصدر واهجها
واخذت لك بالهوى لفه وتدويره=من سبة اللي رموش العين داعجها
وفراقها دق في كبدك مساميره=ونفسك ظروف الليالي ماتخارجها
بحر الهوى تغرق امواجه بوابيره=وامواج بحر الهوى ادنى ما يهيجها
وبره لو تعج بفياضه نواويره=تابس لوالسيل بعد السيل يرهجها
وجوه ولو زان ما تركد معاصيره=اتكدر انفوس خلق الله وتزعجها
والعشق فالعاشقين يبين تاثيره=له طعنةٍ من مشى دربه يلامجها
قبلك رياجيل في مقدم طوابيره=تدرج دروب الهوى والشر يدرجها
والعلم عن طوله ايكفيك تقصيره=ما تخلف الناس مذهبها ومنهجها
علي معك في لزومك يشعب بعيره=ان كان ودك على السنه تزوجها
وان كان ماجاز لك علمي، تبا غيره=اقول ياصاحبي سقها ودرجها

عبدالله الجـــذع 01-May-2009 11:01 PM

الله الله الله الله


مساجله شعراء كبار

صح لسانك يالمبدع الغائب الحاضر المعتصم
وافيه من راس وافي

وصح لسان ابو فلاح ورد رائع ووافي وجميل

لاهنتم يالغالين

محبكم
.

محمد صالح العطاوي 02-May-2009 02:27 PM

مساجله رائعه
المعتصم بالله صح لسانك
علي فلاح صح لسانك
علي معك في لزومك يشعب بعيره=ان كان ودك علي السنه تزوجها

محمد العتيبي 02-May-2009 03:09 PM

ياسلاااااااااام

صح لساااانك وصح لساااان ابو فلاح ..

مشكووورين امتعتونا ..

تحيتي
...

فايز بن سرحان الثبيتي 02-May-2009 05:05 PM

المعتصم بالله

لو كان عشقه علي/ه/بان تاثيره
من صد عني عليه النفس ما احرجها
واليا سمعت المثل (ديره بدل ديره)
اقول الامثال يا محلا مناهجها
يطري اسج القدم وافضها سيره
ولابد من يوم والمولى يفرجها



علي بن فلاح

واخذت لك بالهوى لفه وتدويره
من سبة اللي رموش العين داعجها
وفراقها دق في كبدك مساميره
ونفسك ظروف الليالي ماتخارجها
بحر الهوى تغرق امواجه بوابيره
وامواج بحر الهوى ادنى ما يهيجها




ياسلاااااااااااااااام


رواااااااااااائع من شعر الغزل


صحت قلوبكم صحت قلوبكم

سند العتيبي 02-May-2009 07:50 PM

اقتباس:

علي معك في لزومك يشعب بعيره
ان كان ودك على السنه تزوجها
وان كان ماجاز لك علمي، تبا غيره
اقول ياصاحبي سقها ودرجها
ههههه


صحّت السنتكم شعار

بندر المرشدي 02-May-2009 09:36 PM

المعتصم بالله صح لساااااااانك

والله انك مبدع

وابو فلاح شاعر غني عن التعريف


عزالله ابدع في الرد

علي فلاح العضياني 03-May-2009 11:53 AM

الله لا يهينك



يا ابو مشعان





ما قصرت على كل حال

حاكم الغنامي 03-May-2009 07:25 PM

صحت السنتكم

مبدعين

ال 2


لاهنتوا

محمد النخيش 04-May-2009 09:37 AM

عزالله ابدعتو




اعجبتني كثيرا





صح ألسنتكم





مساجله رائعه جدا


الساعة الآن »09:35 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd